قصيدة مدغم ابوشيبه بعد خروجه من شاعر المليون




ياقصيدي وانت حملك مثل حمل السـلاح...من صناعـاتٍ لفـضّ النـزاع مطـوره
خلق وجهك من حجا ضلع واشراقة صباح....دم تجمـد فـي وريــده ودم تـفـوره
من خلالك لي على الكون منفذ وانفتـاح.....ارسم احلامـي علـى واقعـه واصـوره
الحصون اللي عليهـا منصـات الكفـاح....انشد اكبرهم مـن اللـي بنـاه وسـوره
سقت ذودك للمفالي وقـاد مـن المـراح....واعترض في دربهـا نابحـه ومخـوره
النجاح يشيل جرحه من اعـداء النجـاح.....والمثاليـه تعـانـي مــن المتـهـوره
والفتاوي تختلف شي حرام وشي مبـاح....وشي لو تقنـع بـه العقـل مايتصـوره
نستمـع لله اكـبـر وحــيّ للـفـلاح....المساجـد عامـره والقلـوب مـنـوره
وندري ان ماكل مذن بـلال بـن ربـاح....لو يقول الشمس حمره والارض مـدوره
المهول لـو خدعنـا وخذنـا بالصيـاح....واشتكى من رجله اللـي مهيـب تعـوره
حيلة ما تمشى الا على الناس الصحـاح....احبكتهـا عـالـم مهـولـه ومـجـوره
والطيور اللي تهاوى بمخـلاب وجنـاح....لا تعشـى صيدهـا واحــد مــادوره
مايحصل راحة البـال واطـلاق السـراح....من تورطلـه بخمسـة صكـوك مـزوره
فرد حمزه حسب تقرير دايـرة السـلاح....فيه واحد غير حمزه هـو اللـي ثـوره