اخاف احبك واعشقك ثـم ترحـل
واعيش بعدك بالنـدم والحسافـه
واخاف احطك في عيوني وتزعـل
قبلك سكن بالقلب غيـرك وعافـه
إجتاحني حبك للاعمـاق وإحتـل
مثل إحتـلال الاجنبـي للرصافـه
إن قلت أسافر ؟ يالغلا قلت لك ضل
لازم نخاف البعـد،، لازم نخافـه
قالو لي انسى من يعافك.. ترى ذل
قلت المصيبه خاطـري مايعافـه
حاولت نسيانه ولا طاعنـي حـل
وعزيت حزني في قصيدي وقافـه
سألتهم ماجاوبوني عـن الخـل؟
قالوا سكن ليل الجفاء وإنتصافـه
قلت اسمعوا ،، والدمع قدامهم هل
منساااه لين الدمع يعلـن جفافـه
احبه اكثر مـن حياتـي واسـأل
وارجع واقول إشجابني في ضفافه
هو ملني .. والجرح حبه ولا مـل
يفرح اليا جاء في ضميري وشافه
مهما يعيش الـورد لابـد يذبـل
والغصن يلقى هيبتـه بإرتجافـه
غيمه ومرت ديرتي غاويـة ظـل
جتني وانا بين الضما والصلافـه
اشتاق كثر موادعه يـوم يرحـل
وانساه كثر مواصلـه واعترافـه
يرضى ويزعل ثم اراضيه وازعـل
مليت افسـر رغبتـه وإختلافـه
ان قلت قرب موعده هـو تمهـل
وعمري بسلك العنكبـوت إلتفافـه
هذي حقيقـة مـن تمنـى تأمـل
في هالزمن كثر التمنـي سخافـه
بين الرجاء والياس حلمي تأجـل
مليت اعيشك يـا حيـاة الكلافـه
شفت الوفاء قـدام عينـي تبـدل
حتى ترك طبعـه وخـلا عفافـه

اخوي فهود

صح لساانكـ

خيوو

تحياتوو

اخاف احبك واعشقك ثـم ترحـل
واعيش بعدك بالنـدم والحسافـه
واخاف احطك في عيوني وتزعـل


قالوا سكن ليل الجفاء وإنتصافـه
قلت اسمعوا ،، والدمع قدامهم هل
منساااه لين الدمع يعلـن جفافـه
احبه اكثر مـن حياتـي واسـأل


كلمات رائعة تحمل معاني للحياة
التي نعيشها اليوم ..
بارك الله فيك وكثر الله من أمثـــــــــــالك..

الحسناء الصغيرة.....

سولف يعطيك العافيه اخوي علي مرزرك الرايع
وسلمت يمنك دمت بود

الحسناء الصغيرة
يعطيكي الف عافيه علي مرورك الرايع
وسلمت يمنك دمت بود

تسلم فهود الهايم على الكلمااات الرائعه
والقصيده الذوووق

وتقبل مروري

ولك مني خالص المحبة والاحترام

المحبة والاحترام
يعطيك العافيه علي مرورك الرايع وسلمت يمنك دمت بود